இந்தியாவில் கொரோனா இரண்டாவது அலை வேகம் எடுத்து வருகிறது. இதனால் உயிரிழப்புகள் தொடர்ந்து அதிகரித்துக்கொண்டே வருகின்றன. இந்நிலையில் தமிழகத்திலும் நாளுக்கு நாள் கொரோனாவின் எண்ணிக்கையும் அதிகரித்துக் கொண்டே வருகிறது. இதனால் மருத்துவமனைகளில் கொரோனா நோயாளிகள் நிரம்பி வழிவதால் படுக்கை வசதிகள் இல்லாத நிலை ஏற்பட்டு வருகிறது.
எனவே பள்ளிகள், கல்லூரிகள், தனியார் மருத்துவமனைகள், தொழில் நிறுவனங்களில் படுக்கை வசதிகள் ஏற்படுத்த தமிழக சுகாதாரத் துறை உத்தரவிட்டுள்ளது. கொரோனா இரண்டாவது அலை தாக்கத்தை ஏற்படுத்தி கொண்டிருக்கிறது. இது குறித்த உண்மை நிலவரம் உறைய வைக்கிறது. இந்நிலையில் தலைநகர் டெல்லியிலேயே ஆக்சிஜன் பற்றாக்குறையால் கொரோனா நோயாளிகள் உயிரிழந்து வருகின்றனர். இதனால் ஒரு சில மாநிலங்களில் ஊரடங்கு பிறப்பிக்கப்பட்டு வருகின்றது.
ஊரடங்கினால் ஏழை, எளிய மக்களின் வாழ்வாதாரம் பாதிக்கப்பட்டுள்ளது. இந்நிலையில் ஊரடங்கில் வருமானம் இன்றி தவிக்கும் 25 ஆயிரம் திரைப்பட தொழிலாளர்களுக்கு தலா ரூபாய் 1500 வழங்குவதாக நடிகர் சல்மான் கான் தெரிவித்துள்ளார். தொழிலாளர்களின் பட்டியலை திரைப்பட தொழிலாளர் சங்கம் சல்மான்கானிடம் வழங்கியுள்ளது. அதன் அடிப்படையில் அவர்கள் வங்கி கணக்கில் இந்த பணம் செலுத்தப்படும் என அவர் தெரிவித்துள்ளார். இதனால் அவரை அனைவரும் பாராட்டி வருகின்றனர்.