குப்பை வளாகத்தில் இருந்து வெளியேறும் புகையை கட்டுப்படுத்துவதற்கான பணிகள் தீவிரமாக நடைபெறுகிறது.
சென்னை மாநகராட்சியில் பெருங்குடி குப்பை வளாகம் அமைந்துள்ளது. இங்கு கடந்த 3 நாட்களுக்கு முன்பாக தீ விபத்து ஏற்பட்டது. இந்த தீயை அணைப்பதற்கு தீயணைப்பு வீரர்கள் தொடர்ந்து தீவிர முயற்சியில் ஈடுபட்டுள்ளனர். இந்நிலையில் 3 நாட்களுக்கு பிறகு நேற்று தீ கட்டுக்குள் கொண்டு வரப்பட்டுள்ளது. இந்த தீ விபத்தினால் ஏற்பட்ட புகையை கட்டுப்படுத்தும் பணிகள் தொடர்ந்து நடைபெற்று வருகிறது.
இந்த பணியை நேற்று கமிஷனர் சுகன்தீப் சிங் பேடி ஆய்வு செய்தார். இந்த புகையை கட்டுப்படுத்துவதற்கு 12 ஏக்கர் பரப்பளவில் மண் கொட்டப்பட்டுள்ளது. இதனையடுத்து மீதமுள்ள இடங்களிலும் மண் கொட்டி புகை கட்டுப்படுத்தப்படும். மேலும் புகையினால் பாதிக்கப்பட்டவர்களுக்கு சிகிச்சை அளிப்பதற்காக சிறப்பு மருத்துவ முகாம் நடைபெற இருக்கிறது. இந்த மருத்துவ முகாம் வேளச்சேரி, தரமணி, பெருங்குடி, மடிப்பாக்கம் உள்ளிட்ட இடங்களில் நடைபெறுகிறது. இந்த தகவலை கமிஷனர் சுகன்தீப் சிங் பேடி கூறியுள்ளார்.