ஆந்திரபிரதேச மாநிலத்தில் உள்ள விஜயவாடாவில் ஒருவர் மின்சார ஸ்கூட்டர் வாங்கிய ஒரே நாளில் பேட்டரி வெடித்து சிதறியதில், ஒருவர் உயிரிழந்த சம்பவம் பெரும் சோகத்தை ஏற்படுத்தியுள்ளது. மேலும் இந்த விபத்தில் 3 பேர் காயம் அடைந்து மருத்துவமனையில் அனுமதிக்கப்பட்டுள்ளனர். மேலும் விஜயவாடாவை சேர்ந்த சிவகுமார் என்பவர் நேற்று புதிய பேட்டரி ஸ்கூட்டர் ஒன்றை வாங்கியுள்ளார்.
இதையடுத்து இன்று அதிகாலை, அவர் வீட்டின் முன் உள்ள அறையில் வாகனத்திற்கு சார்ஜ் போட்டிருந்த நிலையில், அவருடைய குடும்பத்தினர் அனைவரும் படுக்கையறையில் தூங்கியுள்ளனர். அப்போது எதிர்பாராத விதமாக பேட்டரி திடீரென வெடித்து சிதறியது.
இதனை தொடர்ந்து வீட்டின் மின் வயர்கள் பற்றி எரிந்து புகை வெளியேறியதால், அறையில் மாட்டிக்கொண்ட அனைவரும் மீது தீ பரவியுள்ளது. இச்சம்பவத்தால், சிவகுமார் உடல் கருகி உயிரிழந்தார். மேலும் அவரது மனைவி மற்றும் 2 குழந்தைகள் தீ விபத்தில் படுகாயம் அடைந்து ஆபத்தான நிலையில் மருத்துவமனையில் அனுமதிக்கப்பட்டுள்ளனர். இதனை தொடர்ந்து, இச்சம்பவம் தொடர்பாக போலீசார் வழக்கு பதிவு செய்து விசாரணை நடத்தி வருகின்றனர். இந்நிலையில் சமீபகாலமாக தொடர்ந்து பேட்டரி ஸ்கூட்டர்கள் வெடித்து, விபத்தை ஏற்படுத்துவது மக்களிடையே பெரும் அச்சத்தை ஏற்படுத்தியுள்ளது.