தமிழகம் முழுவதும் நேற்று 10 மற்றும் 12ம் வகுப்புகளுக்கு பொதுத்தேர்வு முடிவுகள் வெளியானது. இந்த பொதுத்தேர்வில் சில மாணவர்கள் தோல்வி அடைந்த காரணத்தினால் தற்கொலை முடிவை எடுத்துள்ளனர். தமிழகம் முழுவதும் பொது தேர்வில் தோல்வி அடைந்த விரக்தியில் இதுவரை 11 மாணவர்கள் ஒரே நாளில் தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. மேலும், 28 மாணவர்கள் தற்கொலைக்கு முயற்சி செய்துள்ளனர்.
இதனால் வரும் காலங்களில் தேர்வுக்கு முன்னதாகவே மாணவர்களுக்கு மன ரீதியாக கலந்தாய்வு அளிக்க கல்வித்துறை பரிசீலனை செய்வதாக கூறப்படுகின்றது. தற்கொலை எதற்கும் தீர்வு கிடையாது. பத்து மற்றும் பன்னிரண்டாம் வகுப்பு மதிப்பெண்கள் உங்களது வாழ்க்கையை தீர்மானிக்கப் போவதில்லை. எனவே மாணவ செல்வங்கள் தற்கொலை என்ற எண்ணத்தை கைவிட்டு தேர்வில் தோல்வி அடைந்தாலும் அடுத்து என்ன செய்ய வேண்டும் என்று யோசித்து முடிவெடுக்க வேண்டும் என்பது அனைவரின் எதிர்பார்ப்பு .