சென்னையில் நூடுல்ஸ் ஆர்டர் செய்த நபருக்கு அதனுள்ளே கரப்பான் பூச்சி இருந்துள்ளது பெரும் அதிர்ச்சியை ஏற்படுத்தியுள்ளது. சென்னை திருவொற்றியூரைச் சேர்ந்தவர் யுவராஜ். அவர் அப்பகுதியில் உள்ள பிரபல உணவகம் ஒன்றில் நூடுல்ஸ் ஆர்டர் செய்துள்ளார். இதையடுத்து அவருக்கு நூடுல்ஸ் கொடுக்கப்பட்டுள்ளது. அப்போது அதனுள் கரப்பான் பூச்சி இருப்பதை கண்டு அவர் பதறிப்போனார்.
உனடியாக ஓட்டல் ஊழியர்களிடம் இதுகுறித்து கேட்டபோது அவர்கள் சரியாக பதில் சொல்லவில்லை என்று கூறப்படுகிறது. இதனால் இது குறித்து அவர் காவல் நிலையத்தில் புகார் அளித்துள்ளார். இது குறித்த வீடியோ இணையத்தில் வைரலாகி வருகிறது. இதற்கு பலரும் தங்கள் கருத்துக்களை தெரிவித்து வருகின்றனர்.