காரில் இருந்த ஆணின் சடலத்தை காவல்துறையினர் கைப்பற்றியுள்ளனர்.
சென்னை மாவட்டத்தில் உள்ள ஆலம்பாக்கம் பகுதியில் கடந்த 2 நாட்களாக கார் ஒன்று நின்றுள்ளது. அந்த காரில் இருந்து துர்நாற்றம் வீசியுள்ளது. இதனை பார்த்து சந்தேகமடைந்து அப்பகுதி மக்கள் காரின் அருகே சென்று பார்த்துள்ளனர். அப்போது காரில் ஆண் ஒருவரின் சடலம் அழுகிய நிலையில் இருந்துள்ளது.
இதை பார்த்து அதிர்ச்சி அடைந்த அப்பகுதி மக்கள் உடனடியாக காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் காரில் இருந்த அந்த சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் இறந்தவர் யார்? எப்படி இறந்தார் என்று பல கோணங்களில் தீவிர விசாரணை மேற்கொண்டு வருகின்றனர்.