குடோனில் பற்றி எரிந்த தீயை தீயணைப்பு துறையினர் 2 மணி நேரம் போராடி அனைத்துள்ளனர்.
ஈரோடு மாவட்டத்தில் உள்ள பள்ளக்காட்டூர் பகுதியில் தேங்காய் நார் குடோன் ஒன்று அமைந்துள்ளது. இந்த குடோன் நேற்று இரவு திடீரென தீப்பிடித்து எரிந்துள்ளது. இதனை பார்த்து அதிர்ச்சி அடைந்த பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 2 மணி நேரம் போராடி குடோனில் பற்றி எரிந்த தீயை அனைத்துள்ளனர். இந்த விபத்தில் குடோனில் இருந்த பல லட்ச ரூபாய் மதிப்பிலான பொருட்கள் தீயில் எரிந்து நாசமாகியுள்ளது. மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.