வட மும்பை பகுதியில் பட்டம் விளையாடிக்கொண்டிருந்த 10 வயது சிறுவன் மாட்டு சாண குழியில் விழுந்து உயிரிழந்த சம்பவம் சோகத்தை ஏற்படுத்தியுள்ளது.
வட மும்பை பகுதியில் உள்ள கண்டிவளி பகுதியில் பட்டம் விளையாடிய 10 வயது சிறுவன் பரிதாபமாக உயிரிழந்த சம்பவம் அதிர்ச்சியை ஏற்படுத்தியுள்ளது. அந்த சிறுவன் வீட்டிற்கு அருகே உள்ள பகுதியில் பட்டம் விட்டுக் கொண்டிருந்தான். அங்கு மாட்டு சாண குவியல் குழி இருந்துள்ளது. சிறுவன் விளையாடிக் கொண்டிருந்த பட்டம் அந்த மாட்டு சாணம் குழிக்கு அருகில் சென்றதால் அதனை துரத்தி பிடிக்க சிறுவன் சென்றுள்ளார். அப்போது எதிர்பாராதவிதமாக சிறுவன் குழிக்குள் விழுந்து புதைந்து விட்டான்.
அதன் பிறகு சிறுவன் நீண்டநேரமாகியும் வீட்டிற்கு வராததால் பெற்றோர் பல்வேறு இடங்களில் தேடியுள்ளனர். இறுதியாக சிறுவர் மாட்டுச்சாண குழியில் விழுந்து கிடந்ததை கண்டு பெரும் அதிர்ச்சி அடைந்தனர். அதன்பிறகு சிறுவனை மீட்ட போது சிறுவன் உயிரிழந்ததை கண்டு பெரும் அதிர்ச்சி அடைந்தனர். அந்த சிறுவன் வீட்டிற்கு ஒரே பிள்ளை என்பது பெரும் வருத்தம் அளிக்கிறது.