மணிரத்தினம் இயக்கத்தில் சில நாட்களுக்கு முன் வெளியான பொன்னியின் செல்வன் திரைப்படம் ரசிகர்களிடையே நல்ல வரவேற்பை பெற்று வருகின்றது. இந்த படத்தில் கார்த்தி, விக்ரம், ஜெயம் ரவி, திரிஷா, ஐஸ்வர்யாராய், பிரகாஷ்ராஜ், சரத்குமார், பார்த்திபன் உள்ளிட்ட பல முன்னணி நடிகர்கள் நடித்திருக்கின்றனர். இந்தப் படத்தில் நடித்த நடிகர்களுக்கு திரையுலகினர் பலரும் தங்களது வாழ்த்துக்களை கூறி வருகின்றனர். இந்த நிலையில் பெரும் எதிர்பார்ப்புக்கு மத்தியில் வெளியான இந்த படம் உலகம் முழுவதும் 450 கோடிக்கு மேல் வசூல் சாதனையை நிகழ்த்தியுள்ளது.
இந்த படத்தின் இரண்டாம் பாகம் அடுத்த வருடம் ஏப்ரல் மாதம் வெளியாக இருப்பதாக திரை வட்டாரங்கள் தெரிவித்துள்ளது. இந்த சூழலில் இயக்குனர் செல்வராகவன் பொன்னியின் செல்வன் படத்தின் பாடல்கள் பற்றி சமூக வலைத்தளங்களில் பதிவு ஒன்ற பகிர்ந்து இருக்கின்றார். அதில் என்னுடைய அனுபவத்தில் பெஸ்ட் மியூசிக் ஆல்பம் ஏ ஆர் ரகுமான் மற்றும் மணிரத்தினம் சாரின் பொன்னியின் செல்வன் என்பதில் எந்தவித சந்தேகமும் இல்லை மிகவும் சிறிய இடத்தில் கூட கவனம் செலுத்துவது பிரமிக்க வைக்கிறது என கூறியுள்ளார்.