ஊடகம் ஒன்றுக்கு பேட்டியளித்தபோது மகேஷ் பாபு கூறியது தென்னிந்திய ரசிகர்களை கவர்ந்துள்ளது.
தெலுங்கு சினிமா உலகில் சூப்பர் ஸ்டார் என்று மக்களால் அழைக்கப்படுபவர் மகேஷ்பாபு. இவரை இந்தியா முழுவதும் அனைவருக்கும் தெரியும். ஆனால் இவர் பாலிவுட் திரைப்படங்களில் நடித்தது இல்லை. இந்நிலையில் ஹைதராபாத்தில் ஊடகம் ஒன்றிற்கு பேட்டியளித்த போது அவரிடம் பாலிவுட்டுக்கு செல்வது குறித்து கேள்வி எழுப்பப்பட்ட போது அவர் கூறியுள்ளதாவது, நேரடி இந்திப் திரைப்படங்களில் நடிக்க வேண்டிய அவசியம் எனக்கு கிடையாது. தெலுங்கு திரைப்படங்களில் நடிப்பதன் மூலமே உலகம் முழுவதும் ரசிகர்கள் பார்த்து ரசிக்கிறார்கள்.
அதனால் நான் இந்தி படங்களில் நடிக்க வேண்டிய அவசியம் இல்லை என்று கூறியுள்ளார். இவ்வாறு மகேஷ்பாபு சொன்னது தென்னிந்திய ரசிகர்களை கவர்ந்துள்ளது. இதனால் “சூப்பர் ஸ்டார்னா சும்மாவா…!” என்கிறார்கள் ரசிகர்கள். இவர் தற்போது பரசுராம் இயக்கத்தில் கீர்த்தி சுரேஷுடன் இணைந்து “சர்காரு வாரி பாட்டா” திரைப்படத்தில் நடித்துள்ளார். இந்த படமானது வருகின்ற மே 12ஆம் தேதி ரிலீசாக உள்ளது. இதைத்தொடர்ந்து ராஜமவுலி இயக்கத்தில் நடிக்க உள்ளார் மகேஷ்பாபு. இதுதான் இவர் நடிக்கும் முதல் பான் இந்தியா திரைப்படம் ஆகும்.