துருக்கி நாட்டில் மனிசா மாகாணத்தில் பயணிகளோடு பேருந்து ஒன்று சென்று கொண்டிருந்தது அப்போது பேருந்து திடீரென டிரைவரின் கட்டுப்பாட்டை இழந்து எதிரே வந்த கண்டெய்னர் லாரி மீது நேருக்கு நேர் மோதிக்கொண்டது. இந்த பயங்கர விபத்தில் 6 பேர் சம்பவ இடத்திலேயே பரிதாபமாக உயிரிழந்தனர். மேலும் மருத்துவமனைக்கு கொண்டு செல்லப்பட்ட 3 பேர் சிகிச்சை பலனளிக்காமல் உயிரிழந்துள்ளனர். இந்த விபத்தில் 30 பேர் படுகாயம் அடைந்துள்ளனர்.
அவர்களும் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். பலருடைய நிலைமை கவலைக்கிடமாக உள்ளதால் பலி எண்ணிக்கை மேலும் அதிகரிக்கக்கூடும் என்று அஞ்சப்படுகிறது. பேருந்தில் மொத்தம் 50 பேர் வரை பயணம் செய்தனர் .விபத்துக்கான காரணம் உடனடியாக தெரியவில்லை. இது குறித்து அதிகாரிகள் தீவிர விசாரணை நடத்தி வருகின்றனர்.