கீழ்வேளூர் பேரூராட்சி அலுவலகத்தில் பராமரிப்பின்றி கிடக்கும் மாற்று திறனாளிகள் சுகாதார வளாகத்தை பயன்பாட்டிற்கு கொண்டு வர வேண்டும் என பொதுமக்கள் கோரிக்கை விடுத்திருக்கின்றார்கள்.
நாகை மாவட்டத்திலுள்ள கீழ்வேளூர் பேரூராட்சி அலுவலகம் தெற்கு பகுதியில் மடவிளாகம் தெரு இருக்கின்றது. இதன் அருகே கோவில், ஊராட்சி ஒன்றிய அலுவலகம், வணிக நிறுவனங்கள் உள்ளிட்டவை இருக்கின்றது. இதனால் மாற்றுத்திறனாளிகளின் நலன் கருதி பேரூராட்சி வளாகத்தில் சுகாதார வளாகம் கட்டப்பட்டது. இந்த வளாகம் கட்டப்பட்டு ஆறு வருடங்கள் ஆகியும் இன்னும் திறக்கப்படாமல் இருக்கின்றது.
இதனால் கோவிலுக்கு வரும் மாற்றுத்திறனாளிகள், பொதுமக்கள் உள்ளிட்டோர் சுகாதார வளாகத்தை பயன்படுத்த முடியாமல் சிரமத்திற்கு உள்ளாகின்றனர். மேலும் சில நேரங்களில் திறந்தவெளியை பயன்படுத்தும் சூழ்நிலை இருக்கின்றது. இதனால் பேரூராட்சி நிர்வாகம் உடனடியாக சுகாதார வளாகத்தை பயன்பாட்டிற்கு கொண்டு வர நடவடிக்கை எடுக்க வேண்டும் என மக்கள் கோரிக்கை விடுத்திருக்கிறார்கள்.