பொங்கல் பரிசு தொகுப்பு குறித்து தகவல் வெளியாகியுள்ளது.
தமிழகத்தில் ஆண்டுதோறும் பொங்கல் பண்டிகையை முன்னிட்டு தமிழக அரசு சார்பில் ரேஷன் அட்டைதாரர்களுக்கு பொங்கல் பரிசு தொகுப்பும், ரொக்க பணமும் வழங்கப்படுவது வழக்கம். ஆனால் கடந்த ஆண்டு முதலமைச்சர் மு.க. ஸ்டாலின் ரூபாய்க்கு பதிலாக 21 பொருட்கள் அடங்கிய பரிசு தொகுப்பை வழங்கினார். இதில் பல மோசடிகள் நடந்தது. இந்த விவகாரத்தை கையில் எடுத்துக் கொண்ட எதிர்க்கட்சிகள் கடுமையாக விமர்சித்து வந்தனர். மேலும் முறைகேட்டில் ஈடுபட்ட நிறுவனங்கள் மீது நடவடிக்கை எடுக்கப்பட்டது.
இந்நிலையில் இந்த ஆண்டு வழங்கப்படும் பொருட்கள் குறித்த விபரம் வெளியாகியுள்ளது. அதாவது கடந்த முறை வழங்கப்பட்ட 21 பொருட்கள் இந்த முறை வழங்கப்பட மாட்டாது. அதற்கு பதிலாக ஆயிரம் ரூபாய் மட்டுமே வழங்கப்படும். ஆனால் பச்சரிசி, நெய், சர்க்கரை உள்ளிட்ட சில பொருட்கள் வழங்கப்படும். இந்நிலையில் இந்த ஆயிரம் ரூபாய் ரேஷன் கடைகள் மூலம் குடும்ப அட்டைதாரர்களுக்கு வழங்கப்பட இருப்பதாக தகவல்கள் வெளியாகியுள்ளது. மேலும் சென்னை தலைமைச் செயலகத்தில் பொங்கல் பரிசு தொகுப்பு வழங்கும் திட்டத்தை முதலமைச்சர் தற்போது தொடங்கி வைத்துள்ளதாகவும் தகவல்கள் வெளியாகியுள்ளது.