பொங்கல் பண்டிகையையொட்டி தமிழ்நாடு அரசு சார்பாக வருடந்தோறும் பரிசு தொகுப்பு வழங்கப்படுவது வழக்கம் ஆகும். கடந்த வருடம் அரிசி, வெல்லம், கரும்பு உட்பட 21 பொருட்கள் அடங்கிய பரிசுத் தொகுப்பு வழங்கப்பட்டது. இந்த நிலையில் நடப்பு ஆண்டு பொங்கல் பரிசுத் தொகுப்பு பற்றி முதல்வர் மு.க.ஸ்டாலின் இன்று தலைமை செயலகத்தில் ஆலோசனை மேற்கொண்டு வருகிறார்.
இந்நிலையில் பொங்கலுக்கு சொன்னது போல் திமுக ரூபாய்.5000 கொடுக்குமா? என்று செல்லூர் ராஜு கேள்வி எழுப்பி இருக்கிறார். பொங்கலுக்கு சிறப்பு பரிசாக ஸ்டாலின் ரூபாய்.5000 கொடுப்பதாக கூறியிருந்தார். பொங்கல் பரிசு பற்றி ஸ்டாலின் தலைமையில் இன்று அமைச்சர்களுடன் ஆலோசனை நடைபெற்று வருவதால், இதுகுறித்த அறிவிப்பு சற்று நேரத்தில் வெளியாகும் என்று எதிர்பார்க்கப்படுகிறது..