நெல்லையில் வாலிபரை காவல்துறையினர் குண்டாஸில் கைது செய்துள்ளனர்.
திருநெல்வேலி மாவட்டம் ராதாபுரத்தில் சிவசங்கரன் என்பவர் வசித்து வருகிறார். இந்நிலையில் திருக்குறுங்குடி காவல் நிலையத்தில் இவர் மீது கொலை வழக்கு பதிவாகியுள்ளது. இதனால் காவல்துறையினர் சிவசங்கரனை கைது செய்ததோடு மட்டுமல்லாமல் சிறையிலும் அடைத்தனர்.
இதற்கிடையே இவர் பொதுமக்களை அச்சுறுத்தும் விதமாக செயல்பட்டு வருவதால் நெல்லை மாவட்டத்தின் போலீஸ் சூப்பிரண்டான மணிவண்ணன் சிவசங்கரனை குண்டாசில் கைது செய்ய கலெக்டருக்கு பரிந்துரை செய்துள்ளனர். அதனை ஏற்ற கலெக்டர் அவரை குண்டாஸில் சிறையினுள் அடைக்க உத்தரவிட்டுள்ளார். இதனையடுத்து அந்த உத்தரவை காவல்துறையினர் பாளையங்கோட்டை சிறையில் ஒப்படைத்தனர்.