மின்சாரம் தாக்கியதால் மயங்கிய குரங்குக்கு வனத்துறையினர் சிகிச்சை அளித்து காப்பாற்றி விட்டனர்.
கன்னியாகுமரி மாவட்டத்திலுள்ள தோவாளை பண்டாரபுரம் அருகில் இருக்கும் சானல் கரையோரம் மின்சாரம் தாக்கி குரங்கு ஒன்று மயங்கிய நிலையில் கிடந்தது. இதனைப் பார்த்த பொதுமக்கள் உடனடியாக வனத்துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற வனத்துறையினர் காயமடைந்த குரங்கை மீட்டு ஜீவகாருண்ய விலங்குகள் காப்பகத்திற்கு கொண்டு சென்றுள்ளனர்.
இதனையடுத்து கால்நடை மருத்துவர் அந்த குரங்குக்கு சிகிச்சை அளித்துள்ளார். இதனால் உயிர் பிழைத்த அந்த குரங்கை வனத்துறையினர் உதயகிரி கோட்டை கொண்டு சென்று விட்டனர்.