தமிழ் திரையுலகில் பிரபலமான இயக்குனராகவும், தயாரிப்பாளராகவும் புகழ் பெற்றவர் இயக்குனர் மணிரத்னம். இவர் தற்போது கல்கியின் புகழ்பெற்ற “பொன்னிய செல்வன்” நாவலை அடிப்படையாகக் கொண்டு பொன்னியன் செல்வன்-1 திரைப்படத்தை இயக்கிவருகிறார். இந்த திரைப்படத்தில் இது இரண்டு பாகங்களாக உருவாக உள்ளது. இதன் முதல் பாகம் வருகின்ற செப்டம்பர் 30-ம் தேதி திரைக்கு வர உள்ளது. இதில் விக்ரம், ஜெயம் ரவி, கார்த்திக், ஜெயராம், பார்த்திபன், சரத்குமார், ஐஸ்வர்யா ராய், த்ரிஷா, ஐஸ்வர்யா லட்சுமி உள்ளிட்ட பலர் நடித்துள்ளனர். தமிழ், தெலுங்கு, மலையாளம், கன்னடம், இந்தி என ஐந்து மொழிகளில் நேரடியாக இந்த படம் வெளியாக உள்ளது.
இதனை முன்னிட்டு பட குழுவினர் தற்போது ஒவ்வொரு மாநிலங்களுக்கும் சுற்றுப்பயணம் சென்று படத்தை விளம்பரப்படுத்தும் பணியில் ஈடுபட்டு வருகின்றனர். பொன்னியின் செல்வன் படத்தில் பெரிய பழுவட்டையராக நடித்திருக்கும் சரத்குமார் விஜய் நடித்து வரும் வாரிசு படத்தில் முக்கிய கதாபாத்திரத்தில் நடித்து வருகிறார். இந்நிலையில் பத்திரிகையாளர் சந்திப்பில் சரத்குமார் வாரிசு படப்பிடிப்பு தளத்தில் நடைபெற்ற சம்பவம் குறித்து பேசினார். அப்போது பேசிய அவர், பொன்னியின் செல்வன் படத்தில் இடம்பெறும் “பொன்னி நதி” பாடலை நடிகர் விஜய் வாரிசு படப்பிடிப்பு தளத்தில் ஆர்வமாக பாடிக்கொண்டே இருப்பார். அதுமட்டுமில்லாமல் வாரிசு படத்தில் சிறந்த கலைஞருடன் நடித்தது சிறந்த அனுபவம் என்று அவர் தெரிவித்துள்ளார்.