கல்கியின் புகழ்பெற்ற பொன்னியின் செல்வன் நாவலை அடிப்படையாக வைத்து இயக்குனர் மணிரத்னம் இயக்கத்தில் உருவாகி இருக்கும் திரைப்படம்”பொன்னியின் செல்வன்”. 2 பாகங்களாக உருவாக உள்ள இப்படத்தின் முதல் பாகம் வரும் செப்டம்பர் 30ம் தேதி திரைக்கு வர இருப்பதாக அதிகாரப்பூர்வமான அறிவிப்புகள் வெளியாகியது. முன்னணி திரைப் பிரபலங்கள் பலர் நடித்துள்ள இந்த படத்தின் முதல் பாடல் பொன்னி நதி சமீபத்தில் வெளியாகி நல்ல வரவேற்பை பெற்றது.
இதையடுத்து இந்த படத்தின் 2வது பாடல் ஆகஸ்ட் 19ம் தேதி மாலை 6 மணிக்கு வெளியாகும் என்று படக்குழு போஸ்டர் ஒன்றை வெளியிட்டு அறிவித்திருந்தது. அதன்படி பொன்னியின் செல்வன் திரைப்படத்தின் 2ஆம் பாடலான சோழா சோழா பாடல் வெளியாகியிருக்கிறது. இப்பாடல் தற்போது இணையத்தில் வைரலாகி வருகிறது. இத்திரைப்படம் ஐமேக்ஸ் தொழில்நுட்பத்தில் வெளியாகும் முதல் தமிழ் படம் என்பது குறிப்பிடத்தக்கது.