உலகப் புகழ் பெற்ற மறைந்த எழுத்தாளர் கல்கி கிருஷ்ணமூர்த்தியின் பொன்னியின் செல்வன் என்ற நாவலை அடிப்படையாகக் கொண்டு இயக்குனர் மணிரத்தினம் பொன்னியின் செல்வன் என்ற படத்தை இரண்டு பாகங்களாக இயக்குகின்றார். இந்த திரைப்படத்தில் சீயான் விக்ரம், ஜெயம் ரவி, ஐஸ்வர்யா ராய், திரிஷா, பிரபு, சரத்குமார், கார்த்தி உள்ளிட்ட பல நடிகர்களும் முக்கிய கதாபாத்திரங்களில் நடித்துள்ளனர். இதில் பொன்னியின் செல்வன் 1 கடந்த செப்டம்பர் 30ம் தேதி வெளியிடப்பட்டது.
இதில் பொன்னியின் செல்வன் முதல் பாகம் கடந்த செப்டம்பர் 30ம் தேதி வெளியான நிலையில் திரைப்படம் 450 கோடி வசூலை தாண்டி சாதனை படைத்துள்ளது. இதனை படத்தின் தயாரிப்பு நிறுவனமான லைகா புரொடக்ஷன் சற்று முன் அறிவித்துள்ளது.இதன் மூலம் தமிழ் சினிமாவில் இந்த ஆண்டு அதிகம் வசூல் செய்த படம் என்ற பெருமையை பொன்னியின் செல்வன் பெற்றுள்ளது.
அதேசமயம் தமிழகத்தில் மட்டும் இந்த படம் 200 கோடிக்கும் மேல் வசூல் செய்துள்ளது.பொன்னியின் செல்வன் படம் நல்ல வரவேற்பை பெற்றுள்ளதால் படத்தின் இரண்டாவது பாகம் அடுத்த ஆண்டு ஏப்ரலில் வெளியிட திட்டமிடப்பட்டுள்ளதாகவும் தகவல் வெளியாகி உள்ளது.