கல்கியின் புகழ்பெற்ற பொன்னியின் செல்வன் நாவலை அடிப்படையாக வைத்து மணிரத்னம் இயக்கத்தில் உருவாகி இருக்கும் திரைப்படம் “பொன்னியின் செல்வன்”. 2 பாகங்களாக வெளிவரும் இந்த படத்தில் ஜெயம்ரவி, விக்ரம், கார்த்தி, சரத்குமார், பார்த்திபன், ஜெயராமன், ஜஸ்வர்யா ராய், திரிஷா உட்பட முன்னணி திரைப்பிரபலங்கள் பலர் நடித்து இருக்கின்றனர். இந்த படத்தின் டிரைலர் மற்றும் பாடல்கள் படத்தின் மீதான எதிர்பார்ப்பை மக்கள் மத்தியில் அதிகப்படுத்தி இருக்கிறது.
“பொன்னியின் செல்வன்” திரைப்படம் வரும் 30ம் தேதி திரையரங்குகளில் வெளியாக உ ள்ளது. அதனை தொடர்ந்து படக்குழுவினர் தீவிரமாக புரொமோஷன் பணிகளில் ஈடுபட்டு வருகின்றனர். இந்த நிலையில் இப்படத்தின் 2ஆம் பாகம் ரிலீஸ் பற்றிய தகவல் வெளியாகியுள்ளது. அந்த வகையில் “பொன்னியின் செல்வன் 2” அடுத்த வருடம் மே (அல்லது) ஜூன் மாதங்களில் வெளியாகும் என்று இயக்குனர் மணிரத்னம் கூறியுள்ளதாக சினிமா வட்டாரங்கள் தெரிவிக்கிறது.