விஜய் தற்போது தனது 65வது படமான பீஸ்ட் படத்தில் நடித்துக் கொண்டிருக்கிறார். நெல்சன் இயக்கும் இந்தப் படத்தில் விஜய்க்கு ஜோடியாக பூஜா ஹெக்டே நடிக்கிறார். இந்நிலையில் விஜய்யின் அடுத்த படம் பற்றிய பரபரப்பான தகவல் வெளிவந்திருக்கிறது. விஜய் அடுத்து நடிக்கவிருக்கும் 66வது படத்தை பிரபல தெலுங்கு பட அதிபர் தில்ராஜு தயாரிக்கிறார். ஏராளமான வெற்றிப் படங்களை இயக்கிய வம்சி இயக்குகிறார் .
இந்தப் படத்துக்கு விஜய் சம்பளம் ரூபாய் 120 கோடி என்று பரபரப்பு தகவல் வெளியாகியுள்ளது. இதன் மூலம் தென் இந்தியாவிலேயே அதிக சம்பளம் வாங்கும் கதாநாயகன் என்ற அந்தஸ்தை பெறுகிறார். இந்த சம்பளம் ரஜினி வாங்கும் சம்பளத்தை விட இருமடங்கு அதிகம். இதன் மூலம் அடுத்த சூப்பர் ஸ்டார் விஜய் தான் என்று உறுதி ஆகிவிட்டது.