மாணவர்கள் ஜூன் 20ம் தேதியில் இருந்து ஜூலை 19ம் தேதி வரை விண்ணப்பிக்கலாம். ஜூலை 20ஆம் தேதி முதல் ஜூலை 31ஆம் தேதி வரை சான்றிதழ் சரிபார்ப்பு பணி நடைபெறும். ஆகஸ்ட் 8ஆம் தேதி தரவரிசைப் பட்டியல் வெளியிடப்படும். பொறியியல் படிப்புக்கான கலந்தாய்வு, ஆகஸ்ட் 16ம் தேதி தொடங்குகிறது என உயர்கல்வித்துறை அமைச்சர் பொன்முடி தெரிவித்தார்.
இந்நிலையில் பொறியியல் படிப்பிற்கு விண்ணப்பிக்க கால அவகாசத்தை நீட்டித்து தொழில்நுட்ப கல்வி இயக்ககம் அறிவித்துள்ளது. பொறியியல் படிப்பிற்கு விண்ணப்பிக்க இன்றுடன் (ஜூலை 19) அவகாசம் முடியவிருந்த நிலையில், சிபிஎஸ்இ 12-ம் வகுப்பு பொதுத்தேர்வு முடிவுகள் வெளியாகும் நாளில் இருந்து 5 நாட்கள் வரை விண்ணப்பிக்கலாம். அதன்படி, மாணவர்கள் https://www.tneaonline.org/ என்ற இணையதளத்தில் விண்ணப்பிக்கலாம் என தெரிவிக்கப்பட்டுள்ளது.