முதுகலை பொறியியல் படிப்புகளில் சேருவதற்கான மாணவர்களின் எண்ணிக்கை குறைந்து வருகிறது என அண்ணா பல்கலைகழகம் தெரிவித்துள்ளது.
முதுகலை பொறியியல் படிப்புகளில் இந்த ஆண்டு சேர்வதற்கான மொத்த காலியிடங்கள் 10,௦௦௦ ஆகும். ஆனால் முதுகலை பொறியியல் படிப்புகளில் சேர்வதற்கு விண்ணப்பித்த மாணவர்களின் எண்ணிக்கை 3,073 ஆகும். தற்போது 1,659 மாணவர்கள் மட்டுமே முதுகலை பொறியியல் படிப்புகளில் சேர்ந்துள்ளனர். இன்னும் 8,347 காலியிடங்கள் உள்ளது. அது மட்டுமல்லாமல் இந்த ஆண்டு 15 சதவீத மாணவர்கள் மட்டுமே முதுகலை பட்டப் படிப்புகளில் சேர்ந்துள்ளனர்.
இந்நிலையில் கடந்த ஆண்டில் முதுகலை பொறியியல் படிப்புகளில் சேர்வதற்கான விண்ணப்பங்களை அளித்த மாணவர்கள் எண்ணிக்கை 3,770 ஆகும். ஆனால் 2,106 மாணவர்கள் மட்டுமே சேர்ந்திருந்தார்கள். அதனால் கடந்த ஆண்டில் முதுகலை பொரியல் பட்டப் படிப்பிற்கான காலியிடங்கள் 7,294 ஆக இருந்தது.
இதற்கு முன் கொரோனா இல்லாத காலத்தில் 10,000 காலியிடங்கள் இருந்தன. அதில் 6,148 காலியிடங்கள் மட்டுமே இருந்ததாக தெரிவிக்கப்பட்டுள்ளது. தற்போது ஆராய்ச்சி மற்றும் பேராசிரியர் வேலைக்கு செல்ல விரும்பும் மாணவர்கள் மட்டுமே முதுகலை பொறியியல் படிப்புகளை தேர்ந்தெடுக்கிறார்கள். இதனால் தான் முதுகலை படிப்புகளில் சேர்வதற்கான மாணவர்களின் எண்ணிக்கை குறைந்து வருவதாக அண்ணா பல்கலைக்கழக பேராசிரியர்கள் தெரிவித்துள்ளனர்.