ரஜினி நடித்து வரும் ஜெயிலர் திரைப்படத்தின் படக்காட்சி இணையத்தில் வெளியாகி இருக்கின்றது.
தமிழ் சினிமா உலகில் ஒரு சில படங்களை மட்டுமே இயக்கி பிரபல இயக்குனராக வலம் வருகின்றார் நெல்சன் தீலீப்குமார். இவர் இயக்கத்தில் விஜய் நடிப்பில் அண்மையில் வெளியான பீஸ்ட் திரைப்படம் கலவையான விமர்சனங்களை பெற்றாலும் வசூலில் சாதனை படைத்தது. நெல்சன் தற்போது ரஜினியின் தலைவர் 169-வது திரைப்படத்தை இயக்குகிறார். இத்திரைப்படத்தை சன் பிக்சர்ஸ் தயாரிக்க அனிருத் இசையமைக்கின்றார். இதனால் ரசிகர்களிடையே படம் குறித்த எதிர்பார்ப்பினை அதிகரிக்க செய்திருக்கின்றது.
இத்திரைப்படத்திற்கு ஜெயிலர் என பெயர் வைக்கப்பட்டுள்ளது. இந்த நிலையில் இத்திரைப்படத்தின் ஃபர்ஸ்ட் லுக் சென்ற ஆகஸ்ட் 22-ம் தேதி வெளியானது. மேலும் படப்பிடிப்பு பூஜையுடன் தொடங்கி நடைபெற்று வருகின்றது. இந்த நிலையில் திரைப்படத்தின் படக்காட்சி இணையத்தில் வெளியாகி இருக்கின்றது. சில நாட்களுக்கு முன்பாக கிழக்கு கடற்கரை சாலையில் தொடங்கப்பட்டு எண்ணூரில் படப்பிடிப்பை நடத்தினார்கள். இந்த நிலையில் ரஜினி நடித்த காட்சியை யாரோ ஒருவர் திருட்டுத்தனமாக படம் பிடித்து இணையத்தில் வெளியிட்டு இருக்கின்றார். இந்த புகைப்படத்தை பார்த்த பட குழுவினருக்கு அதிர்ச்சியை ஏற்படுத்திருக்கின்றது.