நடிகர் விஜய் நடிப்பில் உருவாகிவரும் தளபதி 65 படத்தின் ஃபர்ஸ்ட் லுக் போஸ்டர் ரிலீஸ் குறித்த தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் விஜய்க்கு ஏராளமான ரசிகர்கள் உள்ளனர் . கடந்த ஜனவரி மாதம் விஜய் நடிப்பில் இயக்குனர் லோகேஷ் கனகராஜ் இயக்கத்தில் வெளியான மாஸ்டர் திரைப்படம் சூப்பர் ஹிட் அடித்தது. பொங்கலுக்கு திரையரங்குகளில் வெளியான இந்த படம் வசூலை வாரி குவித்தது . இதைத்தொடர்ந்து நடிகர் விஜய் இயக்குனர் நெல்சன் திலிப்குமர் இயக்கத்தில் தளபதி 65 படத்தில் நடித்து வருகிறார்.
இந்த படத்தில் பூஜா ஹெக்டே கதாநாயகியாக நடிக்கிறார். மேலும் சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசை அமைக்கிறார் . தற்போது ஜார்ஜியாவில் இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் தளபதி 65 படத்தின் ஃபர்ஸ்ட் லுக் போஸ்டர் வருகிற ஜூன் 21 ஆம் தேதி வெளியாகும் என தகவல் பரவி வருகிறது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது.