நவரசா ஆந்தாலஜி வெப் தொடரின் டிரைலர் ரிலீஸ் தேதி அறிவிக்கப்பட்டுள்ளது.
தமிழ் திரையுலகில் முன்னணி இயக்குனராக வலம் வரும் மணிரத்னம் ஜெயேந்திராவுடன் இணைந்து நவரசா என்கிற ஆந்தாலஜி வெப் தொடரை தயாரித்துள்ளார். 9 முன்னணி இயக்குனர்கள் இணைந்து தனித்தனியாக உருவாக்கியுள்ள குறும்படங்களில் தொகுப்பு தான் நவரசா. கோபம், கருணை, சிரிப்பு, காதல், அமைதி போன்ற 9 உணர்ச்சிகளை அடிப்படையாக கொண்டு உருவாக்கப்பட்டுள்ள இந்த படங்களில் சூர்யா, விஜய் சேதுபதி, சித்தார்த், அரவிந்த்சாமி, ரேவதி, பார்வதி, பிரகாஷ் ராஜ் உள்ளிட்ட பலர் நடித்துள்ளனர் .
Trailer out tomorrow. pic.twitter.com/RlUc80I3zt
— LetsCinema (@letscinema) July 26, 2021
சமீபத்தில் இந்த வெப் தொடரின் டீசர் வெளியாகி நல்ல வரவேற்பை பெற்றது. இந்நிலையில் நவரசா வெப் தொடரின் டிரைலர் நாளை காலை 9:09 மணிக்கு ரிலீஸாகும் என அறிவிக்கப்பட்டுள்ளது. மேலும் வருகிற ஆகஸ்ட் 6-ஆம் தேதி இந்த வெப் தொடர் நெட்பிலிக்சில் வெளியாக உள்ளது குறிப்பிடத்தக்கது.