கடந்த டிசம்பர் மாதம் 24-ஆம் தேதி உலகம் முழுவதும் தமிழ், கன்னடம், தெலுங்கு, மலையாளம் உள்ளிட்ட மொழிகளில் திரையரங்குகளில் வெளியான “ஷியாம் சிங்கா ராய்” என்ற படம் ரசிகர்கள் மத்தியில் நல்ல வரவேற்ப்பை பெற்றுள்ளது. மேலும் நானி நடிப்பில் உருவான இந்த படம் அதிக பொருட்செலவில் வெளியாகியுள்ளது.
இந்த படத்தில் கீர்த்தி ஷெட்டி, மடோனா செபாஸ்டியன், சாய் பல்லவி உள்ளிட்டோர் முக்கிய கதாபாத்திரங்களில் நடித்துள்ளனர். மேலும் “ஷியாம் சிங்கா ராய்” படம் நெட்பிளிக்ஸ் ஓடிடி தளத்தில் அதிக பார்வையாளர்களை பெற்று இந்திய அளவில் முதலிடத்தையும், உலக அளவில் 3-வது இடத்தையும் பிடித்துள்ளது. இந்த படத்தை நானி ரசிகர்கள் உற்சாகமாக கொண்டாடி வருகின்றனர்.