உலக அளவில் தகவல்களை பரிமாறிக் கொள்ள உதவும் முதன்மையான செயலியாக வாட்ஸ் அப் உள்ளது. எனவே உலகம் முழுவதும் பில்லியன் கணக்கிலான மக்கள் வாட்ஸ் அப்பை பயன்படுத்தி வருகின்றனர். இதில் வெறும் குறுச்செய்திகள் மட்டுமின்றி, வீடியோ, வாய்ஸ், டெக்ஸ்ட் சேட் உள்ளிட்ட பல்வேறு வசதிகள் மற்றும் தனிநபர் மட்டுமல்லாது குழுவிலும் செய்திகளை பரிமாறிக்கொள்ளும் வசதிகள் உள்ளது.
சமீப காலமாக வாட்ஸ்ஆப் நிறுவனமானது அவ்வப்போது அதிரடியாக அப்டேட்டுகளை கொடுத்து வருகிறது. தொடர்ந்து, மற்ற சமூக வலைதளங்களைப் போலவே, வாட்ஸ்ஆப்பில் poll போடும் வசதி வரவுள்ளது. 12 ஆப்ஸன்களை கொண்ட pollஐ உருவாக்கலாம் எனவும், பயனர்கள் ஒரே நேரத்தில் ஒன்றுக்கும் மேற்பட்ட பதிலை தேர்வு செய்யலாம் என்றும் தெரிவிக்கப்பட்டுள்ளது. சோதனை கட்டத்தில் இருக்கும் இந்த வசதி வெகுசில நாட்களில் அனைவருக்கும் கிடைக்கும் படி அறிவிக்கப்பட்டுள்ளது.