சீர்காழியில் அடிப்படை வசதிகளுடன் கூடிய புதிய தாலுகா அலுவலகம் கட்டித்தர வேண்டும் என பொதுமக்கள் கோரிக்கை விடுத்துள்ளார்கள்.
மயிலாடுதுறை மாவட்டத்திலுள்ள சீர்காழி புதிய பேருந்து நிலையம் அருகே பழைய தாலுகா அலுவலக வளாகம் இருக்கின்றது. இந்த கட்டிடம் ஆங்கிலேயர் காலத்தில் கட்டப்பட்ட நிலையில் தாலுகா பழமையான கட்டிடத்தில் செயல்பட்டு வந்தது. தற்பொழுது அதில் போதிய வசதிகள் இல்லாததாலும் கட்டிடங்கள் சேதம் அடைந்து இருப்பதாலும் சென்ற ஐந்து வருடங்களுக்கு முன்பாக சீர்காழி பிடாரி தெற்கு வீதியில் இருக்கும் ஒரு தனியார் மண்டபத்திற்கு மாற்றப்பட்டது.
இங்கு தற்பொழுது குடிநீர் வசதி, கழிவறை வசதி, வாகனங்கள் நிறுத்துமிடம், ஓய்வரை, பொதுமக்கள் தங்குமிடம் என எந்தவித அடிப்படை வசதிகளும் இல்லாமல் செயல்பட்டு வருகின்றது. இதனால் பொதுமக்கள் மிகுந்த சிரமத்திற்கு உள்ளாகி வருகின்றார்கள். ஆகையால் தற்பொழுது செயல்பட்டு வரும் தனியார் திருமண மண்டபம் முறையாக பராமரிக்கப்படாததால் அட்டைகள் பெயர்ந்து கீழே விழுந்து வருகின்றது. அதனால் பழைய தாலுகா அலுவலகத்தில் இருக்கும் சேதமடைந்த கட்டிடங்களை இடித்துவிட்டு புதிய கட்டிடத்தை கட்டி தர வேண்டும் என பொதுமக்கள் கோரிக்கை விடுத்துள்ளார்கள்.