லேண்ட்லைன் போன்களில் இருந்து செல்போன்களுக்கு அழைக்க 10 இலக்க எண்கள் சேர்க்கும் நடைமுறை இன்று முதல் அமலுக்கு வருகிறது.
நம் அன்றாட வாழ்க்கையில் தற்போது செல்போன் என்பது ஒரு இன்றியமையாத பொருளாக மாறிவிட்டது. உறவினர்களை நேரில் பார்த்துப் பேசி உறவாடும் காலம் ஓடிப்போய் தற்போது செல்போன் மூலமாக பேசிக்கொள்கிறோம். அவ்வாறு மக்கள் அனைவரும் செல்போன் பயன்படுத்தி வருவதால் அவர்களின் தேவைகளுக்கு ஏற்றவாறு பல்வேறு அப்டேட்டுகள் வருகின்றன.
இந்நிலையில் லேண்ட்லைன் போன் களில் இருந்து செல்போன்களுக்கு அழைக்க 10 இலக்க எண்களுக்கு முன் பூஜியம் சேர்க்கும் நடைமுறை இன்று முதல் அமலுக்கு வருகிறது. சிம் கார்டு சேவை வழங்கும் நிறுவனங்களுக்கு போதுமான எண்கள் இருப்பதை உறுதி செய்யவே, இந்த நடைமுறை அமலுக்கு வருவதாக தொலைத் தொடர்புத் துறை அறிவித்துள்ளது.