பல்வேறு திருட்டு வழக்கில் தேடப்பட்ட வந்த நபர் ஒருவர் போலீஸ் டிமிக்கி கொடுத்து விட்டு ஹோட்டலில் வெங்காயம் நறுக்கி கொண்டிருந்தபோது கைது செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
கேரள மாநிலம், காசர்கோடு அருகே திருட்டு வழக்கில் ஒன்றரை மாதத்துக்கும் மேலாக தலைமறைவாக இருந்த குற்றவாளி கைது செய்யப்பட்டார். சௌகியை சேர்ந்த அப்துல் லத்தீப் (36) என்பவரை போலீசார் கைது செய்தனர். சுல்யாவில் உள்ள ஒரு ஹோட்டலில் வெங்காயம் நறுக்கிக் கொண்டிருந்தபோது, காசர்கோடு நகர போலீசார் கைது செய்தனர். கடந்த ஜூன் 25ம் தேதி தலங்கரை பள்ளிக்கல்லில் உள்ள ஷிஹாபுதீன் என்பவரது வீட்டில் 6 பவன் நகைகள் திருடப்பட்ட வழக்கில் கைது செய்யப்பட்டார். குற்றவாளிகளில் ஒருவரான கண்ணூர் மட்டன்னூரைச் சேர்ந்த விஜேஷ் (26) திருட்டு நடந்த சில மணி நேரத்தில் கைது செய்யப்பட்டார்.
உப்பளத்திற்கு சென்ற லத்தீப் அங்கிருந்து ஸ்கூட்டரில் மானந்தவாடிக்கு புறப்பட்டார். இதற்கிடையில், கன்ஹாங்கேட் ஜூவல்லரியில் மூன்று கிராம் தங்கம் விற்கப்பட்டதை போலீசார் கண்டுபிடித்தனர். லத்தீப் வயநாட்டில் இருந்து ஷோர்னூர் சென்று அங்கிருந்து வேளாங்கண்ணிக்கு ஸ்கூட்டரில் சென்றதாக போலீசார் கண்டறிந்தனர். மீதம் உள்ள தங்கத்தை ஷோர்னூரில் விற்றதாக குற்றம் சாட்டப்பட்டவர் வாக்குமூலம் அளித்துள்ளார். இதனிடையே லத்தீப்பை கைது செய்ய வேளாங்கண்ணிக்கு போலீசார் வந்திருந்த நிலையில், அங்கிருந்து குற்றவாளி மீண்டும் கண்ணூர் சென்றுள்ளார். இவரை பின்தொடர்ந்து போலீசார், சுல்யாவில் உள்ள ஒரு ஹோட்டலில் வெங்காயம் நறுக்கிக் கொண்டிருந்தபோது, கையும் களவுமாக கைது செய்தனர்.