போலீஸ் ஜீப்பை திருடி உல்லாச பயணம்…. ஆசாமியின் துணிகர செயல்…..!!!!!

கர்நாடக மாநிலம் ஹவேரி மாவட்டத்தில் நாகப்பா என்பவர் ஓட்டுநர் உரிமம் பெற்றதில் இருந்து பல்வேறு வகையான வாகனங்களை ஓட்டி வந்துள்ளார். இதனிடையில் அவர் போலீஸ் ஜீப்பையும் ஒருநாள் ஓட்ட விரும்பியுள்ளார். லாஜிஸ்டிக் நிறுவனத்தில் ஓட்டுநரான நாகப்பா பல லாரிகள் மற்றும் வாகனங்களில் மாநிலம் முழுவதும் பயணம் மேற்கொண்டுள்ளார். மேலும் அருகில் உள்ள மாநிலங்களுக்கும் பயணம் செய்துள்ளார். எனினும் போலீஸ் ஜீப்பை மட்டும் ஓட்ட வேண்டும் என்ற ஆசை பல வருடங்கள் கழித்தும் அவருக்கு நிறைவேறாமல் இருந்தது.

இந்நிலையில் அனுமதியுடன் போலீஸ் ஜீப்பை ஓட்ட முடியாது என்பதை உணர்ந்த நாகப்பா ஜீப்பை திருட முயற்சி செய்தார். இதையடுத்து நாகப்பா அன்னி ஜெர்ரி நகரில் உள்ள காவல் நிலையத்தைச் சுற்றியுள்ள பகுதிகளில் அடிக்கடி ரோந்து சென்றார். அதன்பின் கடந்த செவ்வாய்க்கிழமை அதிகாலை 3:30 மணிக்கு ஸ்டேஷன் வளாகத்திற்கு வந்த போலீசார், முற்றத்தில் ஜீப் நிற்பதை பார்த்தனர்.

அதிகாலை வேளையாக இருந்ததால் ஸ்டேஷனுக்குள் 2 போலீசார் மட்டுமே இருந்தனர். மேலும் பணியில் இருந்த மற்ற போலீசாரும் ரோந்து பணியில் ஈடுபட்டிருந்தனர். அதனை தொடர்ந்து அன்னிகேரி எஸ்ஐ எல்.கே ஜூலகட்டி என்பவர் பணி முடிந்து வீட்டுக்குப் புறப்படுவதற்கு முன் ஸ்டேஷன் முற்றத்தில் வாகனம் நிறுத்தப்பட்டிருந்ததை கண்டுள்ளார். ஆனால் ஜீப்பின் கதவு பூட்டப்படவில்லை. டிரைவிங் சீட்டில் ஏறும்போது சாவி வாகனத்தில் இருந்தது.

அப்போது சாவியைப் பார்த்த நாகப்பா போலீஸ் ஜீப் ஓட்டும் கனவை நினைவாக்க முடிவு செய்தார். அதன்படி போலீஸ் தூங்குவதை உறுதி செய்து கொண்டு நாகப்பா இந்த முறை ஜீப்பை அங்கிருந்து கடத்திச் சென்றார். அதன்பின் அன்னிகேரி நகரிலிருந்து 112 கி.மீ தொலைவிலுள்ள மோட்பென்னூர் பாட்கி அருகில் நாகப்பா அந்த வாகனத்தை நிறுத்தி உள்ளார். அப்பகுதியில் சந்தேகப்படும் படி போலீஸ் ஜீப் நிற்பதை பார்த்த அப்பகுதி மக்கள் காவல் நிலையத்திற்கு தகவல் கொடுத்தனர்.

அந்த வாகனத்தில் போதுமான டீசல் உள்ளதாகவும், போலீஸ் ஜீப்பை திருடியவர் வாகனத்தை அங்கு நிறுத்தியதாகவும் தார்வாட் எஸ்பி கிருஷ்ணகாந்த் தெரிவித்தார். வாகனம் ஏன் திருடப்பட்டது என்பதற்கு நாகப்பாவிடம் சரியான பதில் கிடையாது. இச்சம்பவம் குறித்து வழக்குப்பதிவு செய்து விசாரணை மேற்கொண்டு வருவதாக எஸ்பி தெரிவித்தார். இதற்கிடையில் மற்றொரு போலீஸ்காரர், நாகப்பாவுக்கு மனநலப் பிரச்சினைகள் இருப்பதாகவும், இதுவே அவர் மீதான முதல் வழக்கு என்றும் கூறினார்.