நடிகர் ரஜினிகாந்த், அவருடைய மகள் ஐஸ்வர்யா ரஜினிகாந்த் இயக்க தன் 171வது படத்தில் நடிக்க இருக்கிறார். இப்படத்தை லைகா நிறுவனம் தயாரிக்கிறது. ரஜினிகாந்த் தன் 170வது படத்தில் இயக்குநர் சிபி சக்கரவர்த்தியுடன் கைகோர்க்கிறார் என்ற தகவல் வெளியான நிலையில், தற்போது அவரது அடுத்த படத்தினை மகள் ஐஸ்வர்யா ரஜினிகாந்த் இயக்க இருப்பது முக்கியத்துவம் பெறுகிறது. ரஜினிகாந்த் நடிக்கும் இந்த இரண்டு படங்களையும் லைகா நிறுவனம்தான் தயாரிக்கிறது என அண்மையில் செய்தி வெளியாகியது.
இந்த நிலையில் ஐஸ்வர்யா ரஜினிகாந்த் இயக்கக்கூடிய திரைப்படத்தின் போஸ்டரானது சமூகவலைதளத்தில் வெளியாகியுள்ளது. இவற்றில் படத்தின் தலைப்பு “லால் சலாம்” என உள்ளது. விஷ்ணு விஷால், விக்ராந்த் இணைந்து நடிக்கும் இந்த படத்தில் ரஜினிகாந்த் சிறப்பு தோற்றத்தில் நடிக்க இருப்பதாக தகவல் வெளியாகியுள்ளது. இப்படத்திற்கு ஏ.ஆர்.ரஹ்மான் இசையமைக்கிறார். அத்துடன் இந்த படம் 2023ல் வெளியாகும் எனவும் கூறப்படுகிறது.
எனினும் அதிகாரப்பூர்வ தகவல்கள் வெளியாகாமல் படத்தின் போஸ்டர் வெளியாகியது. லைகா நிறுவனம் தன் டுவிட்டர் பக்கத்தில் அதிகாரபூர்வமாக இப்போது புதிய போஸ்டரை வெளியிட்டுள்ளது. அதிலும் மாறாத அதே தகவல்கள் தான் இருந்தது என்பது குறிப்பிடத்தக்கது. போஸ்டரில் ஹெல்மட், கிரிக்கெட்பேட் உள்ளதால் கிரிக்கெட் சம்பந்தப்பட்ட படமாக உருவாகி இருப்பதாக தெரிகிறது.