கார்த்திக் சுப்புராஜ் இயக்கும் “மகான்” திரைப்படத்தின் “எவன்டா எனக்கு கஸ்ட்டடி” பாடல் நேற்று இணையத்தில் வெளியாகியுள்ளது.
“மகான்” திரைப்படத்தில் நடிகர் விக்ரம் மற்றும் அவருடைய மகனுமான நடிகர் துருவ் விக்ரமும் இணைந்து நடித்திருக்கின்றனர். இருவரும் இணைந்து நடித்திருப்பதால் ரசிகர்களுக்கு இடையே ஆவல் அதிகமாக உள்ளது. இப்படத்தை கார்த்திக் சுப்புராஜ் இயக்குகிறார். மேலும் இத்திரைப்படத்தில் சிம்ரன், வாணி போஜன் மற்றும் பாபி சிம்ஹா ஆகியோர் முக்கிய வேடங்களில் நடித்திருக்கின்றனர். மகான் படத்தை செவன் ஸ்கிரீன் ஸ்டூடியோஸ் சார்பாக லலித் தயாரித்து உள்ளார். இந்தப்படத்திற்கு சந்தோஷ் நாராயணன் இசை அமைத்துள்ளார்.
மகான் படத்தின் படப்பிடிப்புகள் நிறைவடைந்துள்ள நிலையில் பின்னணி பணிகள் மிக வேகமாக நடைபெற்று முடிவடைந்துள்ளது. திரைப்படம் வருகின்ற 10ஆம் தேதி ரிலீஸ் ஆகும் என அறிவிப்பு வெளியாகி இருந்தது.அண்மையில் வெளியிடப்பட்ட இப்படத்தின் பாடல் நல்ல வரவேற்பை பெற்றிருந்தது. இந்நிலையில் இந்ததிரைபடத்தின் இரண்டாவது பாடலான “எவன்டா எனக்கு கஸ்ட்டடி” பாடலை நேற்று மாலை 6 மணியளவில் படக்குழுவினர் வெளியிட்டனர். இந்தப்பாடலை விவேக் எழுதியுள்ளநிலையில் சந்தோஷ் நாராயணன் இசையமைத்துப் பாடியுள்ளார் . இந்தப்பாடல் அனைவரின் மனதையும் கவர்ந்து வருகிறது.