கொரோனா சிகிச்சை பெற பணமில்லாமல் தவிப்பவர்களுக்கு மற்றவர்கள் உதவ வேண்டும் என பிரதமர் மோடி வேண்டுகோள் விடுத்துள்ளார்.
சீனாவில் தோன்றிய வைரஸ் கடந்த ஆண்டு மார்ச் மாதம் உலக நாடுகள் முழுவதிலும் பரவத் தொடங்கியது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வந்த நிலையில், தற்போது தடுப்பூசி மக்கள் பயன்பாட்டுக்கு வந்துவிட்டது.
ஆனால் சில நாடுகளில் கொரோனாவின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது. அதுமட்டுமன்றி பெரும்பாலான நாடுகளில் கொரோனா இரண்டாவது பரவ தொடங்கியுள்ளது. அதனால் மீண்டும் ஊரடங்கு அமல் படுத்தப்படும் சூழல் உருவாகியுள்ளது. மேலும் உலக நாடுகள் அனைத்தும் தடுப்பூசி போடும் பணியை தீவிரப்படுத்தியுள்ளன.
அதன்படி இந்தியாவில் ஏப்ரல் 10 முதல் 14 ஆம் தேதி வரை தடுப்பூசி திருவிழா நடைபெறுகிறது. ஆனால் மக்கள் அனைவரும் கொரோனா குறித்த அச்சத்தில் உள்ளனர். இந்நிலையில் கொரோனா சிகிச்சை பெற பணமில்லாமல் தவிப்பவர்களுக்கு மற்றவர்கள் உதவ வேண்டும் என பிரதமர் மோடி வேண்டுகோள் விடுத்துள்ளார். போதிய விழிப்புணர்வு இல்லாதவர்களுக்கும் மக்கள் உதவ வேண்டும். ஒவ்வொருவரும் முக கவசம் அணிவது போல மற்றவர்களையும் முகக்கவசம் அணிய தூண்ட வேண்டும் என அவர் தெரிவித்துள்ளார்.