நாம் தமிழர் கட்சி ஒருங்கிணைப்பாளர் சீமான், எந்தக் கட்சியுடனும் இனிமேல் கூட்டணி வைக்க மாட்டோம் என்று தெரிவித்துள்ளார்.
உள்ளாட்சி தேர்தலில் நாம் தமிழர் கட்சியானது சீமான் தலைமையில் தனித்து போட்டியிட உள்ளது. இந்நிலையில் சீமான் தனது கட்சியின் சார்பில் போட்டியிடும் வேட்பாளர்களை ஆதரித்து பிரச்சாரம் செய்து வருகிறார். இதன்படி செங்கல்பட்டு மாவட்டம் மதுராந்தகம் அருகே உள்ள சித்தாமூரில் தேர்தலுக்கான இறுதிக்கட்ட பிரச்சாரத்தில் அக்கட்சியின் ஒன்றிய கவுன்சிலர்களை ஆதரித்து சீமான் பரப்புரையில் ஈடுபட்டார்.
அப்போது பேசிய அவர்,”தேர்தலில் எந்த கட்சியுடன் கூட்டணி அமைக்காமல் தனித்துதான் போட்டியிடுவேன். மேலும் நீங்கள் திமுகவிற்கும் அதிமுகவிற்கும் வாக்கு அளித்தால் அவர்கள் உங்களை சுடுகாட்டில் தான் விட்டுவிடுவார்கள். அதன் பின்னர் நீங்கள் எங்களை தேடி வருவீர்கள்” என்று கூறியுள்ளார்.