திருமங்கலம் மற்றும் விருதுநகர் மக்களுக்கு தெற்கு ரயில்வே பாதுகாப்பு ஆணையர் எச்சரிக்கை விடுத்துள்ளார்.
தமிழகத்தில் கொரோனா அச்சுறுத்தல் காரணமாக கடந்த மார்ச் மாதம் ஊரடங்கு அமல்படுத்தப்பட்டது. அப்போது பலத்த கட்டுப்பாடுகள் விதிக்கப்பட்டன. அதிலும் குறிப்பாக போக்குவரத்து சேவை முற்றிலும் முடக்கப்பட்டது. அதனால் மக்கள் அனைவரும் தங்கள் வீட்டிலேயே முடங்கி கிடந்தனர். அதன்பிறகு கொரோனா பாதிப்பு குறைந்து வரும் நிலையில், ஊரடங்கு தளர்வு களை தமிழக அரசு அறிவித்து வருகிறது. அதன் முக்கிய பகுதியாக போக்குவரத்து சேவை மீண்டும் இயக்கப்பட்டுள்ளது. இருந்தாலும் குறைந்த அளவிலான பேருந்துகள் மற்றும் ரயில்கள் மட்டுமே இயக்கப்பட்டு வருகின்றன.
இந்நிலையில் திருமங்கலம் மற்றும் விருதுநகர் இடையே நடைபெற்று வந்த இரட்டை ரயில் பாதை யில் வருகின்ற 19 மற்றும் 20ம் தேதிகளில் ரயில்வே பாதுகாப்பு ஆணையர் அதிவேக ரயில் சோதனை ஓட்டம் மேற்கொள்ள உள்ளார். எனவே பொதுமக்கள் அந்த பகுதிக்கு செல்ல வேண்டாம் என தெற்கு ரயில்வே எச்சரிக்கை விடுத்துள்ளது.