மாமண்டூர் பாலாற்று மேம்பாலத்தில் சீரமைப்பு பணிகள் நடைபெற்று வருவதால் மாற்றுப்பாதைகளை பயன்படுத்துமாறு வாகன ஓட்டிகளுக்கு செங்கல்பட்டு மாவட்ட நிர்வாகம் மற்றும் காவல்துறை சார்பாக அறிவுறுத்தப்பட்டுள்ளது.
மேலும் இதுகுறித்து செங்கல்பட்டு காவல்துறை டுவிட்டர் பக்கத்தில், “சாலை வழியாக சென்னை வருவோர் கவனத்திற்கு, செங்கல்பட்டு மாவட்டத்தில் உள்ள மாமண்டூர் பாலாற்று மேம்பாலத்தில் தற்போது சீரமைப்பு பணிகள் நடைபெறுவதால் மாற்றுப்பாதைகளை பயன்படுத்துமாறு வாகன ஓட்டிகளுக்கு செங்கல்பட்டு மாவட்ட நிர்வாகம் மற்றும் காவல்துறை சார்பாக அறிவுறுத்தப்படுகிறது” என்று தெரிவிக்கப்பட்டுள்ளது.
மேலும் இன்று ( பிப்.14 ) திங்கட்கிழமை என்பதால், வெளியூர் சென்றவர்கள் சென்னை திரும்புவர் என்பதால் போக்குவரத்து நெரிசல் ஏற்படக்கூடும். எனவே காவல்துறை சார்பாக மாற்றுப்பாதையை பயன்படுத்த அறிவுறுத்தப்பட்டுள்ளது.