இந்தியா முழுவதும் கொரோனா பரவல் தடுப்பு நடவடிக்கை ஒரு பகுதியாக தடுப்பூசி செலுத்தும் பணி கடந்த 2021 ஆம் வருடம் தொடங்கப்பட்டது. தற்போது 12 வயதுக்கும் மேற்பட்ட அனைவருக்கும் தடுப்பூசி செலுத்தப்பட்டு வருகிறது. இரண்டு தவணை தடுப்பூசி , ஆறு மாதம் முடிவடைந்தவர்களுக்கு பூஸ்டர் டோஸும் செலுத்தப்படுகிறது. முன்னதாக தமிழகத்தில் வாரந்தோறும் சனிக்கிழமைகளில் 50 ஆயிரம் இடங்களில் சிறப்பு முகாம்கள் நடத்தப்பட்டது. இதனை தொடர்ந்து ஒரு லட்சம் இடங்களில் சிறப்பு முகாம்கள் நடத்த முடிவு செய்யப்பட்டது.
இந்த நிலையில் 31 வது சிறப்பு கொரோனா தடுப்பூசி முகாம் ஒரு லட்சம் இடங்களில் வரும் பத்தாம் தேதி நாளை தமிழகம் முழுவதும் நடைபெற உள்ளது. குறிப்பிட்ட காலத்தில் இரண்டாவது தடுப்பூசி செலுத்தி கொள்ளாதவர்கள், பூஸ்டர் டோஸ் போடாதவர்கள் என அனைவரும் போட்டுக் கொள்ளுமாறு அறிவுறுத்தப்பட்டுள்ளது.