தமிழகம் முழுவதும் நாளை ஒரு லட்சம் இடங்களில் சிறப்பு தடுப்பூசி முகாம் நடைபெற உள்ளதாக தகவல் வெளியாகி உள்ளது.
இந்தியாவில் தொற்று பரவல் தடுப்பு நடவடிக்கையின் ஒரு பகுதியாக தடுப்பூசி செலுத்தும் பணி 2021 ஆம் ஆண்டு முதல் தொடங்கிய நடைபெற்று வருகிறது. தற்போது 12 வயதுக்கு மேற்பட்ட அனைவருக்கும் தடுப்பூசி செலுத்தப்பட்டு வருகிறது. இரண்டு தவணை தடுப்பூசி செலுத்தி ஆறு மாதம் நிறைவடைந்தவர்களுக்கு பூஸ்டர் தவணை தடுப்பூசி செலுத்தப்படுகின்றது. தமிழகத்தில் அனைவருக்கும் விரைவாக தடுப்பூசி செலுத்த வாரம் தோறும் சனிக்கிழமைகளில் ஐம்பதாயிரம் இடங்களில் சிறப்பு முகாம் நடத்தப்பட்டன.
அதைத் தொடர்ந்து ஒரு லட்சம் இடங்களில் தடுப்பூசி முகாம் நடத்த முடிவு செய்யப்பட்டது. அதன்படி கடந்த மே எட்டாம் தேதி, கடந்த ஜூன் 12-ம் தேதி தமிழகம் முழுவதும் முகாம்கள் நடைபெற்றது. இந்நிலையில் 31-வது சிறப்பு தடுப்பூசி முகாம் நாளை நடைபெற உள்ளது. நாளை காலை 7:00 மணி முதல் இரவு 7 மணி வரை இந்த தடுப்பூசி முகாம் நடைபெறும். எனவே தடுப்பூசி செலுத்திக் கொள்ளாதவர்கள் இதை பயன்படுத்திக் கொண்டு தடுப்பூசி செலுத்தும் படி கேட்டுக் கொள்ளப்படுகிறது.