தமிழகத்தில் கொரோனா தொற்றை கட்டுப்படுத்தும் வகையில் அரசு பல்வேறு நடவடிக்கைகளை மேற்கொண்டு வருகின்றன. அதன் ஒரு பகுதியாக தடுப்பூசி செலுத்தும் பணியானது தீவிரப்படுத்தப்பட்டு வருகிறது. இதற்காக வாரந்தோறும் சனிக்கிழமைகளில் மெகா தடுப்பூசி முகாம் நடத்தப்பட்டு வருகிறது. ஆனால் கடந்த 3 வாரங்களாக மெகா தடுப்பூசி முகாம் நடைபெறவில்லை. இந்நிலையில் சென்ற 3 வாரங்களாக தடைபட்டிருந்த கொரோனா மெகா தடுப்பூசி முகாம் மீண்டும் இன்று (மார்ச்.5) நடைபெறும் என்று மருத்துவத்துறை அமைச்சர் மா.சுப்பிரமணியன் தெரிவித்துள்ளார்.
இது குறித்து அமைச்சர் மா.சுப்பிரமணியன் கூறியதாவது, தமிழகத்தில் தடுப்பூசி செலுத்தப்படுவது தொடர்ந்து ஒரு இயக்கமாக நடைபெற்று வருகிறது. கடந்த 3 வாரங்களாக கொரோனா மெகா தடுப்பூசி முகாம் நடைபெறாமல் இருந்தது. ஏனெனில் போலியோ சொட்டு மருந்து முகாம், நகர்ப்புற உள்ளாட்சி தேர்தல் மற்றும் பண்டிகையின் காரணமாக கடந்த 3 வாரங்களாக கொரோனா மெகா தடுப்பூசி முகாம் நடைபெறாமல் இருந்தது. இதுவரையிலும் 22 மெகா தடுப்பூசி முகாம் நடைபெற்றுள்ளது. இந்நிலையில் 3 வாரங்களுக்குப் பிறகு மீண்டும் இன்று (மார்ச் 5) சனிக்கிழமை 23-வது மெகா தடுப்பூசி முகாம் 50 ஆயிரம் இடங்களில் நடைபெற உள்ளது. ஆகவே மக்கள் அனைவரும் தடுப்பூசி முகாம்களை பயன்படுத்திக் கொள்ளவேண்டும் என்று தெரிவித்தார்.