தமிழகம் முழுவதும் பொங்கல் பண்டிகையானது ஜனவரி 15 ஆம் தேதி கொண்டாடப்படவுள்ளது. பொங்கல் பண்டிகையை ஒட்டி அரிசி ரேஷன் அட்டைதாரர்களுக்கு 1000 ரூபாய் வழங்க முதல்வர் மு.க.ஸ்டாலின் உத்தரவிட்டிருக்கிறார். இத்திட்டத்தை ஜனவரி 2ஆம் தேதி சென்னையில் முதல்வர் தொடங்கி வைக்கிறார். ரொக்கப் பணத்தோடு ஒரு கிலோ பச்சரிசியும், ஒரு கிலோ சர்க்கரையும் வழங்க முடிவு செய்யப்பட்டுள்ளது. இந்த பரிசுத்தொகுப்பானது ரேஷன் கடைகள் மூலமாக பொதுமக்களுக்கு வழங்கப்படும்.
இந்நிலையில் பொங்கலுக்கு அரசு கொடுக்க உள்ள பொருட்கள், 1000 ரூபாய்க்கான டோக்கன் மாதிரிகள் வெளியாகியுள்ளது. அதில், பணம் கொடுக்கப்படுவதற்கான தேதி, கிழமை, நேரம் உள்ளிட்டவைகள் குறிப்பிடப்பட்டுள்ளது. மேலும், டோக்கன் நம்பர் உள்ளிட்ட பல்வேறு தகவல்கள் பதிவிடப்பட்டுள்ளன. வரும் டிச., 30 முதல் இந்த டோக்கன்கள் ரேஷன் கடைகள் மூலம் வழங்கப்பட்டு, பின் குறிக்கப்பட்ட தேதிகளில் பொருட்களும், 1000 ரூபாயும் கொடுக்கப்படும்.