சேலம் வாழப்பாடியில் நியூசெஞ்சுரி புக் ஹவுஸ் மற்றும் நெஸ்ட் அறக்கட்டளை இணைந்து நடத்தும் புத்தக கண்காட்சி நாளை (ஜூலை 22) தொடங்குகிறது.
தமிழகத்தில் பிரபல புத்தக வெளியீட்டு நிறுவனங்களின் ஒன்றான நியூசெஞ்சுரி புக் ஹவுஸ், வாசகர்கள், மாணவர்கள் மற்றும் பொதுமக்களுக்கு அந்தந்த பகுதியில் தேவையான புத்தகங்கள் கிடைப்பதற்கு வழிவகை செய்யும் நோக்கில் முக்கிய நகரங்களில் புத்தக கண்காட்சி நடத்தி வருகிறது. சேலம் மாவட்டத்திலுள்ள வாழப்பாடியில் நெஸ்ட் அறக்கட்டளைஉடன் இணைந்து 2-வது வருடமாக புத்தககண்காட்சிக்கு ஏற்பாடு செய்துள்ளது.
இந்த புத்தக கண்காட்சி வாழப்பாடி ஊராட்சி ஒன்றிய தொடக்கப் பள்ளி வளாகத்தில் நாளை தொடங்கி ஜூலை 31ஆம் தேதி ஞாயிற்றுக்கிழமை வரை 10 நாட்கள் நடைபெற இருகிறது. சேலம் மாவட்ட கல்வி அலுவலர் உதயக் குமார் புத்தக கண்காட்சியை திறந்துவைக்க இருக்கிறார். அப்போது உள்ளாட்சி பிரதிநிதிகள், கல்வியாளர்கள், எழுத்தாளர்கள், தமிழ் ஆர்வலர்கள் உள்ளிட்ட பலரும் கலந்து கொள்கின்றனர்.
தமிழ் இலக்கியம், கலை, அறிவியல், வரலாறு, சமூக நாவல்கள், பொதுஅறிவு, சிறுவர் இலக்கியம், பிரபல எழுத்தாளர்களின் நாவல், சிறு கதை, கவிதை, கட்டுரை, ஆன்மீகம், தொழில்நுட்பம் ஆகிய அனைத்து துறைசார்ந்த பதிப்பகத்தின் நுால்களும் காட்சிக்கு வைக்கப்படுகிறது. இப்புத்தக கண்காட்சியில் வாசகர்கள், மாணவர்கள், பொதுமக்கள் முகக்கசவம் அணிந்து சமூகஇடைவெளியை கடைபிடித்து பங்கேற்கலாம். புத்தக விலையில் பள்ளி, கல்லுாரி, நுாலகங்களுக்கு சிறப்பு சலுகை வழங்கப்படும் என்று நியூசெஞ்சுரி புத்தக நிறுவனம் மற்றும் நெஸ்ட் அறக்கட்டளை வெளியிட்டுள்ள செய்திகுறிப்பில் தெரிவிக்கப்பட்டு உள்ளது.