புதுச்சேரியில் தீபாவளி பண்டிகையை முன்னிட்டு குடும்ப அட்டைதாரர்களுக்கு 2 கிலோ சீனி, 10 கிலோ அரிசி இலவசமாக வழங்கப்படும் என்று முதல்வர் ரங்கசாமி அறிவித்தார். கடந்த காலங்களில் இலவச பொருட்களுக்கு பணம் மட்டுமே பயனாளிகளினுடைய வங்கிக் கணக்கில் செலுத்தப்பட்டு வந்தது. ஆனால் இந்த முறை இலவச பொருள்கள் நியாயவிலைக் கடைகள் மூலமாக வழங்கப்படும் என்று தெரிவித்திருந்தார். இதற்கிடையே மூடிக்கிடக்கும் நியாயவிலைக் கடைகளை திறந்து அரிசி, சர்க்கரையை வழங்க தமிழிசை சௌந்தர்ராஜன் ஒப்புதல் அளித்தார்.
இதனைத் தொடர்ந்து ரேஷன் கடைகளை திறந்து அரிசி சர்க்கரை பொருட்களை விநியோகிக்க ஏற்பாடு செய்யப்பட்டு பணிகள் நடந்து வருவதால் தீபாவளி பண்டிகை முடிந்து விட்டது. எனவே தீபாவளிக்கு அறிவிக்கப்பட்ட பொருட்கள் எப்போது வழங்கப்படும் என்று பொதுமக்கள் மத்தியில் எதிர்பார்ப்பு எழுந்துள்ளது. இந்த நிலையில் செய்தியாளர்களை சந்தித்த முதல்வர் ரங்கசாமி, தீபாவளி பண்டிகைக்கு இலவச அரிசி, சர்க்கரை வழங்க அறிவிப்பு வெளியிடப்பட்டது. இதற்கான பொருள்கள் கொள்முதல் செய்ய டெண்டர் விடப்பட்டு இருக்கிறது. இந்த பணிகள் அனைத்தும் விரைந்து முடிக்கப்பட்டு இலவச பொருட்களை பொதுமக்களுக்கு வழங்கப்படும் என்று கூறியுள்ளார்.