மக்களே….! “ரேஷன் கடைகளில் இத்தனை நாட்களுக்கு பொருள்கள் கிடைக்காது”…. வெளியான முக்கிய அறிவிப்பு….!!!!

ரேஷன் கடை ஊழியர்கள் மூன்று நாட்கள் வேலைநிறுத்த போராட்டத்தை அறிவித்துள்ளனர்.

ரேஷன் கடை ஊழியர்கள் 7 அம்ச கோரிக்கையை வலியுறுத்தி ஜூன் 7, 8, 9 ஆகிய மூன்று நாட்கள் வேலை நிறுத்த போராட்டம் செய்ய உள்ளதாக அறிவித்துள்ளனர். தமிழ்நாடு அரசு நியாய விலை கடை பணியாளர்கள் சங்கத்தின் மாவட்ட நிர்வாகிகள் கூட்டம் நாமக்கல்லில் நேற்று நடைபெற்றது. இந்த கூட்டத்திற்கு மாவட்ட தலைவர் தண்டபாணி தலைமை வகித்தார்.

அதன் பிறகு ,

*அகவிலைப்படி 17 சதவீதத்தை 31 சதவீதமாக உயா்த்தி வழங்க வேண்டும்.

*நியாய விலைக் கடைகளுக்கு தனித்துறை உருவாக்க வேண்டும்.

*புதிய 4 ஜி விற்பனை முனையம் வழங்க வேண்டும்.

*விடுமுறை நாள்களில் நகா்வுப் பணியை நிறுத்த வேண்டும்.

*பொட்டல முறையை அமல்படுத்த வேண்டும்”

என்ற ஏழு அம்ச கோரிக்கைகளை வலியுறுத்தி ஜூன் 7, 8, 9 ஆகிய மூன்று நாட்கள் ரேஷன் கடைகளை முழுஅடைப்பு செய்வது என தீர்மானம் நிறைவேற்றப்பட்டது. மேலும் ஜூன் 10ஆம் தேதி தமிழ்நாடு அரசு பணியாளர் சங்கத்தின் அனைத்து துறை சார்ந்த பணியாளர்களும் கோரிக்கையை மீட்டெடுக்க வேலைநிறுத்த போராட்டத்தில் கலந்துகொண்டு சென்னையில் நடைபெறும் காத்திருப்பு போராட்டத்தில் பங்கேற்பது என பல தீர்மானங்கள் நிறை வேற்றப்பட்டது. 3 நாள் வேலை நிறுத்தம் செய்ய உள்ளதாக ரேஷன் கடை ஊழியர்கள் அறிவித்துள்ள நிலையில் ஜூன் மாதத்திற்கான ரேஷன் பொருள்களை ஏழாம் தேதிக்கு முன்பாக இல்லையெனில் பத்தாம் தேதிக்கு பிறகு வாங்கிக்கொள்ள ரேஷன் அட்டைதாரர்கள் திட்டமிட்ட கொள்ளும்படி கேட்டுக் கொள்ளப்படுகிறது.