அமெரிக்காவில் விருந்து நடைபெற்ற வீடு ஒன்றில் மர்ம நபர்கள் நள்ளிரவில் நடத்திய துப்பாக்கிச்சூட்டில் 4 பேர் பரிதாபமாக உயிரிழந்துள்ளார்கள்.
அமெரிக்காவிலுள்ள லாஸ் ஏஞ்சல்ஸ் என்னும் பகுதியிலிருக்கும் வீடு ஒன்றில் இரவு நேரத்தில் விருந்து நடைபெற்றுள்ளது. இந்த விருந்தின்போது நள்ளிரவில் மர்ம நபர்கள் திடீரென துப்பாக்கிச் சூட்டை நடத்தியுள்ளார்கள்.
இந்தத் துப்பாக்கிச் சூட்டினால் விருந்தில் பங்கேற்ற 4 பேர் பரிதாபமாக உயிரிழந்துள்ளார்கள். மேலும் ஒருவர் பலத்த காயமடைந்துள்ளார்.
இதுகுறித்து தகவல்றிந்த காவல்துறை அதிகாரிகள் சம்பவ இடத்திற்கு விரைந்து வந்துள்ளார்கள். அதன் பின்பு தாக்குதல் நடைபெற்ற வீட்டிற்கு அருகே இருந்த சி.சி.டி.வி காட்சிகளை வைத்து இந்த வழக்கு தொடர்பான தீவிர விசாரணையில் காவல்துறை அதிகாரிகள் இறங்கியுள்ளார்கள்.