சட்ட விரோதமாக ஆற்றில் மணல் அள்ளிய சிறுவன் உள்பட 2 பேரை காவல்துறையினர் கைது செய்துள்ளனர்.
தேனி மாவட்டம் போடி தாலுகா காவல்துறையினர் ரோந்து பணியில் ஈடுபட்டு இருந்துள்ளனர். இந்நிலையில் கொட்டக்குடி ஆற்றில் சிறுவன் உள்பட 2 பேர் மணல் அள்ளி கொண்டிருந்துள்ளனர். இதனை பார்த்த காவல்துறையினர் உடனடியாக அவர்களை பிடித்து விசாரித்துள்ளனர்.
அந்த விசாரணையில் அவர்கள் போடி புதூர் வலசைத்துறை பகுதியை சேர்ந்த பெருமாள் மற்றும் 16 வயது சிறுவன் என தெரியவந்துள்ளது. இதனையடுத்து அவர்கள் அள்ளிய 6 மூட்டை மணல் மற்றும் இருசக்கர வாகனத்தை பறிமுதல் செய்துள்ளனர். மேலும் காவல்துறையினர் 2 பேரையும் கைது செய்து விசாரித்து வருகின்றனர்.