தமிழக பா.ஜனதா மூத்த தலைவரான இல.கணேசன் மணிப்பூர் மாநில கவர்னராக நியமிக்கப்பட்டுள்ளார். இதற்கான உத்தரவை ஜனாதிபதி ராம்நாத் கோவிந்த் நேற்று பிறப்பித்தார். மணிப்பூர் கவர்னராக 2019] ஆம் ஆண்டு ஜூலை 7 ஆம் தேதி நஜ்மா ஹெப்துல்லா நியமிக்கப்பட்டார். கடந்த 10-ந்தேதி முதல் அவர் விடுப்பில் சென்றார். அதைத்தொடர்ந்து சிக்கிம் மாநில கவர்னர் கங்கா பிரசாத் மணிப்பூர் மாநில கவர்னர் பொறுப்பையும் கவனித்து வந்தார். இந்த நிலையில் இல.கணேசன் மணிப்பூர் மாநில கவர்னராக நியமிக்கப்பட்டுள்ளார்.
இதையடுத்து மணிப்பூர் மாநிலத்தின் ஆளுநராக பதவி ஏற்றுள்ள இல. கணேசனுக்கு கனிமொழி வாழ்த்து தெரிவித்துள்ளார். ‘மணிப்பூர் மாநிலத்தின் ஆளுநராக பொறுப்பேற்க உள்ள, தலைவர் கலைஞரின் நெருங்கிய நண்பரும், என் மீது எப்போதும் அக்கறை காட்டி வருபவருமான மூத்த அரசியல் தலைவர் திரு. கணேசன் அவர்களுக்கு என் இனிய வாழ்த்துக்கள்’ என்று கனிமொழி ட்விட்டரில் பதிவிட்டுள்ளார்.