புயல் காரணமாக நிறுத்தப்பட்ட மெட்ரோ ரயில் சேவை இன்று மதியம் 12 மணி முதல் மீண்டும் தொடங்கியுள்ளதாக மெட்ரோ ரயில் நிர்வாகம் தெரிவித்துள்ளது.
தமிழகத்தில் நிவர் புயல் நள்ளிரவு முதல் இன்று அதிகாலை வரை புதுச்சேரி அருகே கரையைக் கடந்தது. புயல் காரணமாக பலத்த காற்று வீசும் என்பதால் முன்னெச்சரிக்கை நடவடிக்கையாக நேற்று மாலை முதல் மெட்ரோ ரயில் சேவை நிறுத்தப்பட்டது. தற்போது மழையின் அளவு குறைந்து, நிலைமை சீரடைந்து உள்ளது.
இந்த நிலையில் புயல் முன்னெச்சரிக்கையாக சென்னையில் நேற்று மாலை நிறுத்தப்பட்ட மெட்ரோ ரயில் சேவை இன்று மதியம் 12 மணி முதல் மீண்டும் தொடங்கியுள்ளது. இந்த செய்தியை மெட்ரோ ரயில் நிர்வாகம் தெரிவித்துள்ளது.