அதிமுக அவைத்தலைவர் மதுசூதனன் காலமானார். வயது மூப்பு தொடர்பான சிக்கல்களுக்கு சிகிச்சை பெற்று வந்த அவர் அப்போலோ மருத்துவமனையில் காலமானார். 80 வயதான இவர் சென்னை அப்பல்லோ மருத்துவமனையில் பிற்பகல் 3.42 மணிக்கு உயிரிழந்தார். இவரது மறைவுக்கு அரசியல் தலைவர்கள் உள்ளிட்ட பலரும் இரங்கல் தெரிவித்து வருகின்றனர்.
இந்நிலையில் மதுசூதனன் மறைவையொட்டி ஆகஸ்டு-7 வரை மூன்று நாட்கள் துக்கம் அனுசரிக்கப்படும் என்று ஓபிஎஸ் -இபிஎஸ் தெரிவித்துள்ளனர். அதிமுக கொடி அரைக்கம்பத்தில் பறக்க விடப்படும் என்றும், நிகழ்ச்சிகள் மூன்று நாட்களுக்கு ரத்து செய்யப்படும் என்றும் தெரிவித்துள்ளனர். மதுசூதனின் மறைவு அதிர்ச்சி அளிக்கிறது. கண்ணீர் கடலில் மூழ்கியிருக்கும் நமக்கெல்லாம் யார் ஆறுதல் சொல்ல முடியும் என்று வேதனையுடன் தெரிவித்துள்ளனர்.